உன் பிடிவாதம்..

பிடிக்காது சொன்னபடி ஆடினால்
ஆனால்
சொன்னதைச் செய்ய வேண்டும்
சொன்னபடியே

ஆகாது சொல்லாததைச் செய்தால்
ஆனால்
எதிர்பாராததைச் செய்யவேண்டும்
சொல்லாவிட்டாலும்

என்ன செய்தும்
தீராத உன் தாகம்
நம்பிக்கையின்மையாய் அளிக்கும் கோபம்
ஆறாத ரணங்களை உணர்த்தும்
மாறாத கேள்விகள் எழுப்பும்

விளையாட்டாய் ஒதுக்குவேன்
உன் கோபத்தை
உன் காதலின் தீவிரம் வியந்து
உலகின் உயர்தர காதலன் நீயென்றுணர்ந்து

உன் பிடிவாதத் தேடலுக்கான
மருந்தும் விடையும்
உலகெங்கிலும் மூவுலகிலும் ஏழுலகிலும்
எங்கும் கிடையாது
எனை விடுத்து