அன்பை மீட்பாயா

எங்கே சென்றாலும்
என்னுடனே வருகின்றாய்
உன் பெயரை உச்சரிக்க
மாயமாய் மறைகின்றாய்

என்ன ஜாலமிது
என்ன வேதனை இது
அன்பின் பிடிக்குள்ளே
ஆவேசம் சேர்ந்திடுமோ

ஆவேசம் சேர்ந்துவிட்டால்
அணைத்துக் காப்பாயா
அணைத்து எடுக்கையிலே
அன்பைதான் மீட்பாயா

முத்தம் நீ கொடுக்க
முடியாமல் நான் தவிக்க
மார்போடு சேர்த்துக் கொண்டாய்
முழுமேனியும் நடுங்குதடா

வெட்கம் துடைத்திடவே
தாளாது நான் துடிக்க
மோகப் போர்வை சேர்த்து
மேனியாலே மூடிடுவாய்