எங்கெங்கிலும் நீ ...

உலகையே சுற்றிவருகிறாய்
எனை அழைத்துக் கொண்டு

விநாடியும் உனை
விலக விடாது
விரும்பிப் பற்றிக்கொண்டேன்
உயிரைக் காக்கும் ஆவலாய்

விடியல் சொல்கிறது
விழித்தபடியான கனவென்று
வீழச் செய்தது உற்சாகம் வடிய

உலகைத் துறந்த பின்னும்
உன்னைத் துறக்க இயலவில்லை

உயிரினும் இனியதாய்
இனித்துக் கிடக்கிறது
உன் நினைவு

கண்ணனின் மீராவாய்
உன் பெயரை
உச்சரித்து உச்சரித்து
சிவபாராயணம் நடக்க
செவி மூடிய நீயோ
அவளின் கைகளில்

உனைக் காக்கும்
அவளை வாழ்த்துகிறேன்
நான் தரா
நிம்மதியினைத் தருவாய் நீ
நித்திராதேவியென

என்ன செய்தாயடா
என்ன செய்வேனடா